الأربعاء، 27 أكتوبر 2010

رسالة الى البحر


واحشنى اووووووووووووووى

كان نفسى اشوفك بس هنعمل ايه

مش عارفة كنت هاقولك ايه بس انا متأكدة انى كنت هاقولك كتييييييييييييييييير

على اد منا بحب هدوئك وسكاتك على اد ما بعشق ثورتك و غموضك

عارف يا بحر الواحد مننا بيبقى نفسه فى حد يقوله همومه

اى نعم ساعات الواحد ما بيبقاش طايق حد بس ساعات تانيه بنبقى نفسنا نتكلم كتييييييييير

انا بقى ما بحبش اتكلم او يمكن ما اتعودتش اتكلم ... مش عارفه

بس انا بحس نفسى غريبة اوى ساعات ببقى مضايقه جدا و نفسى فى حد اكلمه بس ما بقدرش

نادرا لما قلت لحد انا مخنوقه وقعدت اتكلم معاه

انا مش عارفه الكلام ده مناسبته ايه بس هو طلع وخلاص

نفسى اشوفك اوى بجد :(



الاثنين، 25 أكتوبر 2010

كلام فى الهوا


كانت عجبانى اوى آخر صفحة اللى بيكتبها سوقراط

ولازالت و بما انها عجبانى فقررت الطشها منه ... عذرا يا ابو السقاريط

كثيرا ما أكرهها لكن بالرغم من ذلك أعود لأعشقها أكثر

ربما هى مجنونة نعم فبماذا تسمى حالة التضارب فى المشاعر

كل المشاعر بلا استثناء فى لحظة واحدة... لا اسمى ذلك سوا جنون

الايام أصبحت تشبه بعضها ... وهذا ما أكرهه

غريبة هى النفس البشرية أحيانا تعلم انك تفعل شيئا خطأ و تستمر فى فعل هذا الخطأ

أغبياء متناثرون فى كل مكان لا يعرفون أنهم زائلون من هذه الدنيا و لكن لم يحن وقت انتهاء صلاحيتهم

حاليا هى تعرف انها ليست على ما يرام لكن لماذا ... لا تعرف

تثق كثيرا و تحب كثيرا و تضحك كثيرا و تندم كثيرا و كثيرا و كثيرا

الانتظار هو الحل ...




الأربعاء، 20 أكتوبر 2010

كلام فى الهوا


الواحد مننا بيرسم لنفسه حاجات كتير قدام
و ساعات الحاجات بتتحقق زى ما انت عايزها
و ساعات بنندم اننا تخيلنا اى حاجة بنحلم انها تتحقق
فعلا يا اخى المثل اللى بيقولك ليس كل ما يتمناه المرء يدركه
انا مثلا كنت راسمة للسنة دى صورة جميلة اوى و اخر سنة بقى
و هعمل
و هيحصل
و ... الخ الخ الخ
و طلع كل ده كلام فى الهوا
شكلها هتبقى اسوء سنة مرت عليا فى الكلية التيت دى
ربنا يستر ...
وبرده قلت هاطلع رحلة اسكندرية و قعدت اتخيل بقى البحر اللى مش مكتوبلى اشوفه ده
و مضايقة جدااااااااااااا انى مش هاطلع الرحلة
صبرنى ياااااااااا رب

:(

الأحد، 17 أكتوبر 2010

حقيقة



ساعات الواحد بيبقى مخنوق من المسئوليات لكن لما تتشال من عليه بيحس ان ناقصه حاجة

الحقيقة المسئولية جزء من حلاوة الدنيا وحلاوة الحياة

لاننا لما بنحس ان فى ناس محتاجلنا بنكتشف اننا موجودين ولينا لازمة

الجمعة، 15 أكتوبر 2010


ربنا جميل و بيجيب كل شئ جميل

الثلاثاء، 12 أكتوبر 2010

الحمد لله :)

الحمد لله زالت الغمة وخلصت الايام الكئيبة ربنا يستر ويعدى السنة دى على خير

الشهر اللى فات كان اسوء شهر مر عليا فى حياتى

حاجات ملخبطة ونكد وزهق وناس اتصدمت فيها وناس قربت منها

و حاجات كتير كانت معكننة الجو خالص

يا رب الحياة تستقر بقى و نخلص السنة اللى مش مبشرة دى بقى

يا رب اجعل حياتنا أجمل من كل التوقعات عجبانى جدا الدعوة دى

شوية كلام كانوا متحوشين بقالهم كام يوم وقلت اخرجهم بسسسسسسسس