ربنا جميل و بيجيب كل شئ جميل

الحمد لله :)

الحمد لله زالت الغمة وخلصت الايام الكئيبة ربنا يستر ويعدى السنة دى على خير

الشهر اللى فات كان اسوء شهر مر عليا فى حياتى

حاجات ملخبطة ونكد وزهق وناس اتصدمت فيها وناس قربت منها

و حاجات كتير كانت معكننة الجو خالص

يا رب الحياة تستقر بقى و نخلص السنة اللى مش مبشرة دى بقى

يا رب اجعل حياتنا أجمل من كل التوقعات عجبانى جدا الدعوة دى

شوية كلام كانوا متحوشين بقالهم كام يوم وقلت اخرجهم بسسسسسسسس

:)

احساس جميييييييييييييييييييييييييييييل أوى لما حد يقولك انه ما بيرتحش غير معاك

و انه بيحبك اوووووووووووووووووووووى

يخربيت عقلك يا بت يا ريم

مكنتش اتوقع منها كده الصراحه

بحبك يا مضروبة

زهقت منكم ...

الساعه دلوقتى 7 و 6 دقايق صباحا

مش جايلى نوم قلت اكتب هنا شويه عشان ما اطقش

الناس كلها اليومين دول عليها عفريت اسمه

محدش فاهمنى .. مش لاقى حد اكلمه .. مفيش حاجة تبسط ... الخ من جمل النكد والاكتئاب اللى بنخترعها

ليه بقى كل ده مع اننا فى شهر جمييييييييييييييييييييييييييييل جدا الواحد بيستناه طول السنه عشان يحس بالراحه النفسيه

اى نعم كل واحد عنده ظروفه ومشاكله بس برده مش لازم نستسلم للمشاكل و نروح للنكد برجيلنا

انا بحب جدا الحكمة اللى بتقول .. إذا لم يسعدك أحد فحاول أن تسعد نفسك

يا ريت الناس كلها تخلى السعادة أحد أهدافها فى الحياة

و فعلا لو انت مش سعيد تأكد انك بتعمل حاجة غلط او بتعمل كل حاجة غلط

يا رب اسعد كل الناس وحققلهم اللى بيتمنوه

نهاركم بيضحك :)

C'est Moi

كثيرا ما توقفت أمام نفسى ..
لا أعرف من أنا
لا أعرف من أكون
أحيانا أعرف من أنا
وأحيانا أجهل من أكون ..
وإن عرفت .. لا اقتنع بمن أنا
وإن اقتنعت أنا .. قد لا يقتنع الآخرون
فأحاول أن أكون مثلهم
فلا أستطيع ابدا كما يريدون ان أكون ..
فأعود الى نفسى ..
و جهلي بمن أنا ؟!!

مما قرأت !

‫هو:
امنحيني فرصة ألون بها المساحات السوداء
في أعماقك وأعيد لك ثقتك بي

هي:
ومن يعيد لي العمر الذي مضى في انتظارك؟
ومن يعيد لي الليالي التي قضيتها أحتسي الدمع عليك؟

هو:
سأعوضك عن كل ذلك

هي: لم تتغير مهنتك...
مازلت تبيع الأحلام المستحيلة !!
لا أحد ياسيدي يمللك قدرة إعادة العمر المسلوب

هو:
أتسخرين من عودتي؟

هي:
بل أسخر من نفسي

هو:
أتعلمين تغير صوتك كثيراً

هي:
لاياسيدي..لم يتغير صوتي..
بل تغير إحساسي,,
والصوت يستمد نبرته من الإحساس

هو:
هل أرحل؟

هي:
أنت رحلت منذ زمن بعيد..
فلماذا تستأذن بالرحيل بعد رحيلك؟

هو:
لكنني عدت الآن

هي:
من قال لك إنك عدت؟

هو:
حديثنا الآن أكبر دليل على عودتي

هي:
لو استرجعت حديثنا الآن لوجدته الدليل الأكبر
على عدم عودتك..وعدم انتظاري لك

هو:
لا أتوقع أن تغلقي الهاتف الآن

هي:
أتستكثر علي إغلاق الهاتف,
وقد أغلقت في وجهي الحياة كلها ذات يوم؟

هو: ولكن..ألا يمكن أن أكـــو...


وأغلقت الهاتف

20

1/7/2010
امبارح كملت 20 سنة
اتسألت عن شعورى وانا عندى 20 سنة
وحتى الان مش عارفة أقول ايه
20 سنة ياااااااااااااه رقم كبير
20 سنة مرت عليا بحلوهم ومرهم
20 سنة وانا موجوده على الارض
20 سنة بعمل حاجات كتير
يا رب لو كنت عملت حاجه غلط فى ال 20 سنة دول سامحنى واغفرلى كل غلطاتى يااااااااااااااا رب
شعور غريب لما الواحد يكمل 20 سنة
مبهم تماما
بس ممكن نقول ان الواحد حاسس كأن فى مسئوليه زياده بقت عليه
اى نعم المسئولية حاجه مش جديدة يعنى
لانى باعتبارى اكبر اخواتى فانا شايلاها على طول
بس اهى كلمه توصف اى حاجه من الشعور الغريب
و بشكر كل اللى فرحونى و قالولى كل سنة وانتى طيبه
فى كللللللللللللللللللللللللللللللللللل حته
على الموبايل
واللى كتبولى على الحيطه بتاعتى على الفيس بوك
واللى قالهالى فيس تو فيس
أشكركم أصدقائى :)
ربنا يخليكم ليا وما يحرمكوش منى ابدااااااااااااااااااااا :D