الساعة 1:30 صباحا
مشغلة فات الميعاد و الست ملعلعة هنا
"و ياما كنت اتمنى اقابلكـ بابتسامة أو بنظرة حب أو كلمة ملامة "
و لسه متفرجة على عاصى
المسلسل اللى كرهته من كتر كلامهم عليه بس ...
حبيته لما شوفته عجبانى شخصية امير اووووووووى و البت عاصى الرخمة =))
بقالى كتير ما كتبتش هنا
بس على طول بيبقى عندى حاجات كتير عايزة اكتبها
خصوصا الفترة دى
بس الكلام ما بيجيش فى دماغى غير و انا فى السرير
و لو البلوج قالى و النبى تفتحينى و تكتبى و حياته ما هاقوم من السرير تانى :D
و اخيرا دخلت انهارده بلوجى العزيز و قعدت اقرا كلام كنت كتباه من زمان
حاجات كتير حاولت افتكر كنت كتباها ليه و ما افتكرتش
بس فى المجمل يعنى كلام كتير كتباه هنا بيرجعلى ثقتى فى نفسى
بيخلينى اتبسط لما اكون قالباها دراما :D
بيخلينى افتكر مبادئى الكتير اللى انا ماشية عليها
اللى ساعات الدنيا بتخلينى انساها
وفى النهاية بهدى الاغنية دى لماما و بابا و اخواتى و كل اللى بحبهم و اللى ما بحبهمش
مش هاهديهم حاجة لانى ما بحبهمش :D
اقعدو بالعافية ...
الله يعافيكي
ردحذفاحلى حاجه في المدونات ... انها اهدت لنا اكتشاف انفسنا كما لما بنكتب الكلام من غير ما نلون ولا نجمل كلام من القلب وبيطلع باحساس اللحظة نفسها عشان كده ممكن ساعات كتير نفتكر مواضيع كتير ممكن نكتبها لكن ما بنكتبهاش الا ساعة ما نكون ادام البلوج ونفتكرها
اقعدي بالعافية :)
و حياتكـ و ساعات و لا بنفتكر حاجة :D
ردحذفالله يعافيكـ